يقال عن أبناء مصر أنهم عيال نكتة لما يضفوا على معاناتهم من نكات ومواقف طريفة وضحكات رغم صعوبة المواقف التي هم فيها .
فقد جعلت النكتة السياسية للثورة الشعبية نكهة خاصة تنبع من رحم المعاناة , ومما زاد من بريقها هي الشعارات التي رفعها المتظاهرون والمعتصمون في ميدان التحرير .
وأترككم مع بعض النكات الطريفة حول ما يعانيه الشباب في ميدان التحرير :
- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.
- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك .
- أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي .
- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟
- بلطجي" لقناة العربية: العيال بيرموا علينا قنابل "بلوتوث".
- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.
- عقد الريس جلسة مع وزير الداخلية السابق حبيب العدلي قاله محتدا: منعت الحشيش يا فالح؟ أهو الشعب صحصح.
- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.
أما من جهة الشعارات التي حملها المتظاهرون المعتصمون في ميدان التحرير ، فلعل من أبرزها وأكثرها طرافة وسخرية :
- ارحل.. الولية عاوزة تولد والولد مش عايز يشوفك .
- ده لو كان عفريت كان طلع .
- رابطة نجاري مصر يسألون الأسطى مبارك: "ما نوع الغراء الذي تستخدمه " ؟
- ارحل عاوز أتجوز .
- لو ما استحمتش النهاردة في بيتنا.. هاستحمى يوم الجمعة في قصر الرياسة .
- ارحل مراتي وحشتني.. متزوج من 20 يوم .
وبشأن الاتهامات من قبل مبارك والسلطة بوجود أجندة لدى المعتصمين في ميدان التحرير ومندسين من الخارج بينهم سخر البعض بما وصفوه بـ" نشيد الأجندة " , والذي يقول :
أنا مندس.. أنا مندس، هاتلي أجندة ووجبة وبس
من هارديز أو من كنتاكي، هاتلي وجبة دينر بوكس
أو سوبر زنجر من غير خس
هاتلي أجندة من الفجالة أعمل بيها ثورة في مصر
أنا مندس.. أنا مندس، وكل الشعب كمان مندس
كل الناس هنا مش عايزينك، وانت يا حسني مش بتحس
كل فضايحك، كل جرايمك، كلو موجود على ويكيليكس
أنا مندس.. انا مندس، عندي أجندة مستر إكس
من هارديز أو من كنتاكي، هاتلي وجبة دينر بوكس
أو سوبر زنجر من غير خس
هاتلي أجندة من الفجالة أعمل بيها ثورة في مصر
أنا مندس.. أنا مندس، وكل الشعب كمان مندس
كل الناس هنا مش عايزينك، وانت يا حسني مش بتحس
كل فضايحك، كل جرايمك، كلو موجود على ويكيليكس
أنا مندس.. انا مندس، عندي أجندة مستر إكس
تعليقان على { ثورة النكتة السياسية في مصر }
السبت, فبراير 12, 2011 9:38:00 م [حذف]
غريب حال المصريين يمزجون دموع الحزن مع دموع الأبتسامه
الأحد, فبراير 13, 2011 12:05:00 م [حذف]
كلام كلام حلو يأحمد الله يعينك ماشي الحال الرجال جزع ويش الي باقي الله يعين الشعب المصري على الي جاي اما الي راح فقد راح واستراح صح والا لا
هل تريد التعليق على التدوينة ؟